O pleno da Real Academia Galega de Belas Artes (RAGBA) aprobaba por unanimidade, o pasado mes de xuño, dedicarlle o Día das Artes Galegas á figura de Isaac Díaz Pardo, por consideralo «unha figura fundamental e referente ineludible para comprender as artes do noso país». Castelao (2016), Maruja Mallo (2017) ou Luis Seoane (2019) recibiron tamén este recoñecemento.

A iniciativa parte dos ex-empregados da fábrica apoiados por máis de 150 firmas dos veciños e a axuda dos grupos políticos locais. O texto que recolle a ordenanza do concello explica que "Manter a memoria colectiva da nosa sociedade é un exercicio permanente que debe reforzarse e acompañarse con xestos que poñan en relevo acontecimentos e figuras destacadas como a de Isaac Díaz Pardo e o proxecto Celtia S. A.”

A Xunta de Galicia conmemorará o centenario do nacemento de Isaac Díaz Pardo (22 de agosto de 1920 - 5 de xaneiro de 2012) cunha grande exposición na Cidade da Cultura, composta por obras de arte, diversos obxectos persoais, fotografías, textos, murais, documentos e proxeccións. Poderá verse no Museo Gaiás, do 6 de novembro de 2020 ao 4 de abril de 2021, e estará comisariada por dous dos seus fillos, Xosé e Camilo Díaz Arias de Castro.

Coincidindo có día do nacemento de Isaac Díaz Pardo a Concellería de Cultura de Sada programou o sábado 22 de agosto tres actos simbólicos acordes coa vida e obra do intelectual galego: un mural, unha exposición e un acto-homenaxe.

Un mural recreando unha interpretación do artista plástico sadense JA! de " A rapaza que leva na cabeza un mundo de cousas que pode precisar na vida", obra realizada a principios dos anos 70.